त्रिमूर्ति दिवसमा ६३ जनालाई पुरस्कार

साहित्य

गृहपृष्ठ
साहित्य

त्रिमूर्ति दिवसमा ६३ जनालाई पुरस्कार

सामाजिक सञ्चार आइतबार, जेठ २२, २०७९

त्रिमूर्ति दिवस

काठमाडौँ – त्रिमूर्ति निकेतनले शनिबार काठमाडौँमा सोह्रौँ त्रिमूर्ति दिवस मनाएको छ । सो अवसरमा महासमालोचक प्रा.डा.वासुदेव त्रिपाठीले विभिन्न व्यक्तिलाई त्रिमूर्ति निकेतनका विविध विधाका पुरस्कार प्रदान गरेका छन् ।

प्रा.डा.त्रिपाठीले आधा शताब्दीदेखि नेपाली भाषासाहित्यको श्रीवृद्धिमा समर्पित रहँदै शास्त्रीय छन्दकविताको रचना एवम् छन्दकाव्यको प्रचार प्रसार अभियानमा समेत संलग्न भई विशिष्ट योगदान गर्ने गोविन्दराज विनोदीलाई ‘लेखनाथ पौड्याल पुरस्कार’ प्रदान गरेका छन् ।

त्यसैगरी, नेपाली नाट्यकलाको श्रीवृद्धिका लागि निरन्तर समर्पित रहँदै नाटक र चलचित्रको महिमा र गरिमालाई उत्कृष्टताको शिखरमा पुर्याउन अति विशिष्ट योगदान गर्ने कलाकार मिथिला शर्मालाई ‘बालकृष्ण सम पुरस्कार’ प्रदान गरिएको छ ।

साथै नेपाली भाषासाहित्यको श्रीवृद्धिका लागि पाँच दशकअघिदेखि काव्यसाधनामा निरन्तर समर्पित रहँदै नेपाली कविताको संवर्द्धनमा विशिष्ट योगदान गर्ने साहित्यकार शैलेन्द्र साकारलाई ‘देवकोटा काव्य पुरस्कार’ प्रदान गरियो ।

ताम्रपत्रका साथै यी तीनै पुरस्कारका राशि जनही एक लाख रूपौयाँ रहेको छ ।

समारोहमा जनही पच्चीस हजार रूपियाँ राशि सहितको ‘भद्र घले पदक’ श्री तारानाथ दाहाल र प्रा।डा।उषा ठाकुरलाई प्रदान गरियो । यो पदक त्रिमूर्ति निकेतनका सदस्यलाई मात्र प्रदान गरिन्छ ।

यसका साथै सो कार्यक्रममा शताब्दी पुरुष सत्यमोहन जोशीको उचाइ अभिवृद्धिका लागि समर्पित ५८ जनालाई ‘सत्यमोहन जोशी शताब्दी पदक’ समेत प्रदान गरिएको छ ।

प्रकाशित मिति: आइतबार, जेठ २२, २०७९ २२:३८

प्रतिक्रिया दिनुहोस्