अन्तिम खेलमा एनआरटीको जित

खेलकुद

गृहपृष्ठ
खेलकुद

अन्तिम खेलमा एनआरटीको जित

सामाजिक सञ्चार बुधबार, असार २९, २०७९

तस्बिरः सामाजिक सञ्जाल।

काठमाडौँ । प्रि-सिजनका लागि थाइल्यान्ड र मलेसिया भ्रमणमा पुगेको न्युरोड टिम एनआरटीले अन्तिम खेलमा जित निकालेको छ ।

बुधबार भएको अन्तिम खेलमा एनआरटीले थाइल्यान्डको थोनबुरी युनाइटेडलाई २१ अन्तरले पराजित गरेको हो ।

एनआरटीको जितमा विदेशी खेलाडी मेसौउके र दीपेश घलेले एक-एक गोल गरे । खेलमा अग्रता भने थोनबुरीले लिएको थियो ।

उसका किटिपोङ सइङपोङले ३२औँ मिनेटमा अग्रता दिलाए । तर, मेसौउकेले ५३औँ मिनेटमा बराबरी गोल फर्काए । पाएको पेनाल्टी सदुपयोग गर्दै दीपेशले ७६औँ मिनेटमा विजयी गोल गरे ।

यो खेलसँगै मलेसिया र थाइल्यान्डमा रहेको एनआरटीको प्रि-सिजन सकिएको छ । उसले यस क्रममा पाँच खेल खेल्यो । अघिल्ला चारै खेलमा एनआरटी पराजित भएको थियो ।

प्रकाशित मिति: बुधबार, असार २९, २०७९ १९:४१

प्रतिक्रिया दिनुहोस्