तारा एयरको जहाज सम्पर्कविहीन, खराब मौसमका कारण खोज्न कठिन

समाचार

गृहपृष्ठ
समाचार

तारा एयरको जहाज सम्पर्कविहीन, खराब मौसमका कारण खोज्न कठिन

सामाजिक सञ्चार आइतबार, जेठ १५, २०७९

tara-airlines.jpg

काठमाडौँ । गण्डकी प्रदेशको राजधानी पोखराबाट मुस्ताङको जोमसोमका लागि उडेको तारा एयरलाइन्सको विमान सम्पर्कविहीन भएको छ ।

पोखरा विमानस्थलबाट बिहान ९ बजेर ५५ मिनेटमा जोमसोम उडेको जहाज सम्पर्कविहीन भएको पोखरा विमानस्थलका प्रमुख विक्रमराज गौतमले जानकारी दिए। विमानमा १९ यात्रु र चालक दलका तीन सदस्य रहेको जनाइएको छ ।

सो विमानमा चालक दलमा क्याप्टेन प्रभाकर घिमिरे र उत्सव पोखरेल तथा एयर होस्टेज किस्मी थापा थिए। यस्तै, यात्रुहरूमा बान्देकर वैसवी, इन्द्रबहादुर गोले, पुरुषोत्तम गोले, राजनकुमार गोले, मेइक ग्रीटग्राफ, बसन्त लामा, गणेश नारायण श्रेष्ठ, रवीना श्रेष्ठ, रश्मी श्रेष्ठ र रोजिना श्रेष्ठ रहेका छन्।

यसैगरी, प्रकाश सुनुवार, मकरबहादुर तामाङ, राममाया तामाङ, सुकुमाया तामाङ, तुलसादेवी तामाङ, अशोककुमार त्रिपाठी, धनुश त्रिपाठी, ऋतिका त्रिपाठी, वी विलनर पनि जहाजमा रहेको खुलेको छ।

यतिबेला नेपाली सेना र स्थानीयको टोलीले खोजीकार्य गरिरहेको भएपनि खराब मौसमका कारण खोजीकार्य प्रभावित भएको छ।

घटनाको विस्तृत विवरण आउन बाँकी छ ।

प्रकाशित मिति: आइतबार, जेठ १५, २०७९ १५:१४

प्रतिक्रिया दिनुहोस्