आज अन्तरराष्ट्रिय पर्वत दिवस

समाचार

गृहपृष्ठ
समाचार

आज अन्तरराष्ट्रिय पर्वत दिवस

सामाजिक सञ्चार बिहीबार, मंसिर २६, २०८२

काठमाडौं,२५ मंसिर

हिमनदी पग्लिँदा पहाड तथा पर्वतीय जीवनमा पर्ने प्रभाव, पर्वतीय विकासका अवसर र चुनौतीबारे जनचेतना बढाउने तथा विश्वभर पर्वतीय समुदाय एवं वातावरणका पक्षमा सकारात्मक परिवर्तन ल्याउन सहकार्य निर्माण गर्ने उद्देश्यका साथ आज विश्वका विभिन्न मुलकमा अन्तर्राष्ट्रिय पर्वत दिवस मनाइँदै छ।

संयुक्त राष्ट्रसंघको आह्वानमा सन् २००३ देखि हरेक वर्ष ११ डिसेम्बरमा यो दिवस राष्ट्रसंघका अधिकांश सदस्य देशमा यो दिवस मनाइने गरेको छ। रोमस्थित राष्ट्रसंघीय खाद्य तथा कृषि संगठन (एफएओ) को प्रधान कार्यालयमा आज पर्वतीय जीवन, हिमनदी तथा पर्यावरणसम्बन्धी प्रवचन, प्रदर्शनीलगायत विविध कार्यक्रम आयोजना हुँदै छन्।

राष्ट्रसंघका अनुसार विश्वको दुई अर्ब जनसङ्ख्या पर्वतीय क्षेत्रबाट प्रवाह हुने पानीमा निर्भर छन्। पछिल्ला वर्षहरूमा पर्वतीय वातावरण तीव्र जोखिममा परेकाले पानी स्रोत जोखिममा परेका छन्। द्रूत गतिमा हिमनदी पग्लिएका छन्। विश्व तापक्रम बढ्ने क्रम जारी रहे अरु हिमनदी हराउनेछन्।

यसैगरी विश्वको एक करोड ५० लाखभन्दा बढी जनसङ्ख्या हिमनदीहरूको पग्लेर बनेका ताल फुट्ने सम्भावित जोखिमका कारण अत्यधिक संवेदनशील अवस्थामा छन्। यो दिवसले यस्ता जोखिम र चुनौतीबारे विश्व समुदायलाई सतर्क गराउँदै पहाड–पर्वत संरक्षण, दिगो विकास तथा सुरक्षित भविष्यका लागि सहकार्यमा जोड दिएको छ। रासस

प्रकाशित मिति: बिहीबार, मंसिर २६, २०८२ ११:००

प्रतिक्रिया दिनुहोस्