आज निजामती सेवा दिवस:सूचना प्रविधिमैत्री सेवा र पारदर्शीतामा जोड

समाचार

गृहपृष्ठ
समाचार

आज निजामती सेवा दिवस:सूचना प्रविधिमैत्री सेवा र पारदर्शीतामा जोड

सामाजिक सञ्चार आइतबार, भदौ २२, २०८२

काठमाडौं, २२ भदौ

आज देशभर विभिन्न कार्यक्रमसहित निजामती सेवा दिवस मनाइँदैछ। दिवसको अवसरमा स्वास्थ्य शिविर, वृक्षरोपण, रक्तदान, मैत्रीपूर्ण फुटबल, अन्तक्र्रिया, झाँकी प्रदर्शनी, र्याली, दीपावलीलगायतका कार्यक्रम तय गरिएको छ।

निजामती सेवासम्बन्धी ऐन पहिलोपटक २०१२ साल भदौ २२ मा जारी भएकै दिनको स्मरणमा हरेक वर्ष यो दिवस मनाइन्छ। हाल निजामती सेवामा करिब ८५ हजार कर्मचारी कार्यरत छन्।

प्रधानमन्त्रीको प्रमुख आतिथ्यमा काठमाडौंमा हुने मूल समारोहमा एक जनालाई सर्वोत्तम निजामती, १० जनालाई उत्कृष्ट निजामती र ३० जनालाई निजामती पुरस्कार घोषणा गरिनेछ।

निजामती कर्मचारीलाई ढिलासुस्ती, प्रक्रियामुखी, काम पन्छाउने, समयमा निर्णय नगर्नेलगायतको आरोप लाग्ने गर्छ। सरल, सहज र पारदर्शी ढङ्गले सेवा दिन सूचना प्रविधिमैत्री सेवा, योग्यता, क्षमता र आवश्यकताका आधारमा अवसर, सरुवा, बढुवा र पुरस्कारको व्यवस्थाले सेवा प्रवाहमा चुस्तता ल्याउने र पारदर्शीता बढ्ने कर्मचारीको बुझाइ छ।

संविधानविद् एवम् पूर्व–प्रशासक काशीराज दाहालले पनि सरकारी सेवालाई प्रभावकारी बनाउन प्रविधिको प्रयोग र पारदर्शीता हुनुपर्नेमा जोड दिनुभएको छ। अहिले निजामती सेवाका कर्मचारीले तीन तहका सरकार–सङ्घ, प्रदेश र पालिकामा बाँडिएर काम गरिरहेका छन्।

प्रकाशित मिति: आइतबार, भदौ २२, २०८२ १०:३६

प्रतिक्रिया दिनुहोस्