चिलिमे जलविद्युतकाे वार्षिक साधारण सभा पुस २२ मा

आर्थिक

गृहपृष्ठ
आर्थिक

चिलिमे जलविद्युतकाे वार्षिक साधारण सभा पुस २२ मा

सामाजिक सञ्चार शुक्रबार, मंसिर २३, २०७९

काठमाडौँ । चिलिमे जलविद्युत कम्पनीले पुस २२ गते वार्षिक साधारण सभा बोलाएको छ । कम्पनीको मंसिर २० गते बसेको सञ्चालक समितिको बैठकले साधारण सभा बस्ने निर्णय गरेको हो ।

सभा नेपाल प्रज्ञा-प्रतिष्ठान, कमलादी, काठमाडौँमा बिहान ११ बजेबाट सुरु हुनेछ । सभामा कम्पनीले ७.५०% बोनस सेयर र ७.५०% नगद लाभांश (कर सहित) गरी जम्मा १५% लाभांश दिने प्रस्ताव पेश गर्नेछ ।

साथै,सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ ।

त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।

सभा प्रयोजनका लागि कम्पनीले पुस ३ गते बुक क्लोज गर्ने भएको छ ।

तसर्थ, पुस २ गतेसम्म कायम रहने सेयरधनीले मात्र सभामा भाग लिन र प्रस्तावित लाभांश पाउन सक्नेछन् ।

प्रकाशित मिति: शुक्रबार, मंसिर २३, २०७९ ०९:०४

प्रतिक्रिया दिनुहोस्