शेयर बजारमा झिनो सुधार, दुई अर्ब ६० करोडको कारोबार

गृहपृष्ठ
शेयर

शेयर बजारमा झिनो सुधार, दुई अर्ब ६० करोडको कारोबार

सामाजिक सञ्चार सोमबार, फागुन २३, २०७८

लामो समय पछि आज शेयर बजारमा झिनो सुधार देखिएको छ । फागुन ११ गतेदेखि निरन्तर ओरालो लाग्दै आएको नेप्से आज १.५४ अंकले उकालो लागेको हो । ०.०६ प्रतिशतले बजार बढ्दा नेप्से परिसूचक २५४४.९३ अंकमा उक्लिएको छ ।

नेपाल स्टक एक्सचेञ्ज लिमिटेड(नेप्से) का अनुसार आज २३० कम्पनीका ५३ लाख १५ हजार २ सय ९२ कित्ता शेयर किनबेच हुँदा २ अर्ब ६० करोड ९ लाख ३० हजार ४ सय ३ रुपियाँ बराबरको कारोबार भएको हो ।

बजारमा झिनो सुधार देखिएको दिन आज बैंकिङ, होटल, निर्जीवन बीमा, उत्पादनमूलक र अन्य समूह क्रमशः ५.३६, १४.१८, ९.८८, ८७.६३, र ३५.५ अंकले बढे भने बाँकी समूह राताम्मे भए । आज सबैभन्दा बढी जीवन बीमा समूह १५४.८४ अंकले घटेको हो ।

बजार सम्हालिएको दिन आज बुद्धभूमि नेपाल हाइड्रोको शेयर मूल्य सबैभन्दा बढी ५.८९ प्रतिशतले बढ्यो भने पाँचथर पावरका लगानीकर्ताले सबैभन्दा बढी ६.९० प्रतिशतले घाटा व्यहोरेका छन् ।

आज शिवम् सिमेन्टको उच्च कारोबार भएको छ । शिवम्को २७ करोड ६९ लाख ३२ हजार ८ सय ६३.५० रुपियाँ बराबरको करोबार भएको नेप्सेले जनाएको छ ।

साताको पहिलो दिन हिजो आइतबार बजार ३.६६ अंकले घट्दा २ अर्ब ४९ करोड ३२ लाख ४१ ह्जार २ सय ७३ रुपियाँ बराबरको कारोबार भएको थियो ।

गत भदौ महिनाको ३ गते बिहीबार हालसम्मकै उच्च बिन्दु ३१९८.६० अंकमा पुगेको बजारमा त्यसपछिका दिनमा उतारचढाव आइरहेको छ । साउन ३१ गते हालसम्मकै उच्च २१ अर्ब ६३ करोड ७६ लाख ६ सय ६५ रुपियाँ बराबरको कारोबार थियो ।

प्रकाशित मिति: सोमबार, फागुन २३, २०७८ १५:५९

प्रतिक्रिया दिनुहोस्