सुन तस्करी प्रकरणमापक्राउ परेकालाई अदालत पेश, १० दिन थुनामा राख्न अनुमति

समाचार

गृहपृष्ठ
समाचार

सुन तस्करी प्रकरणमापक्राउ परेकालाई अदालत पेश, १० दिन थुनामा राख्न अनुमति

सामाजिक सञ्चार बिहीबार, साउन ४, २०८०

काठमाडौँ । उच्च अदालत पाटनले सुन तस्करीमा प्रकरणमा पक्राउ परेकाहरूलाई १० दिन थुनामा राख्न अनुमति दिएको छ ।

राजश्व अनुसन्धान विभागले एक सय किलो सुन पक्राउ परेकाहरूलाई उच्च अदालत पाटन पेस गरिएको थियो ।

विभागले उनीहरूलाई राजश्व छलि र सुनको अवैध आयात-निर्यातमा अनुसन्धानका लागि म्याद थप गर्न पेस गरेको हो । जस अनुसार १० दिन थुनामा राख्न अनुमति मिलेको हो ।

राजश्व अपचलनको मुद्दा उच्च अदालतमा दर्ता हुने भएकाले उनीहरुलाई उक्त अदालतमा पेस गरिएको हो । उच्च अदालतले उनीहरुलाई पहिलो पटक १० दिन अनुसन्धानका लागि थुनामा राख्न सक्ने आदेश पनि गरेको छ ।

पाटन उच्च अदालतले बिहीबार पहिलोपटकलाई १० दिनको समय दिएको हो । उनीहरुलाई पक्राउ गरेको मितिदेखि उक्त मिति लागू हुने छ । यो प्रकरणमा अहिलेसम्म एक चिनियाँ नागरिकसहित ६ जनालाई पक्राउ गरिएको छ ।

विमानस्थलबाट चीन उड्न लागेका लिङ चुवानलाई बिहीबार पक्राउ गरिएको हो । पक्राउ पर्नेहरुमा दोलखा मेलुङ गाउँपालिका- ३ घर भई हाल काठमाडौंको स्वयम्भू बस्ने ५३ वर्षीय रामकुमार भुजेल, भोजपुरको अरुण गाउँपालिका-४ घर भई काठमाडौँको साँखु बस्ने २१ वर्षीय दिलिप भुजेल, भोजपुरकै अरुण गाउँपालिका–४ घर भई काठमाडौंको बुढानीलकण्ठ बस्ने ४९ वर्षीय हर्कराज राई र तिब्बतियन मुलका भारतीय नागरिक दिल्ली घर भई हाल काठमाडौंको पानीपोखरी बस्ने ५३ वर्षीय थाप्तेन छिरिङ छन् ।

त्यसैगरी, ट्याक्सी चालक अशोक लामा र भन्सार एजेन्ट राजेन्द्र राईलाई पनि पक्राउ गरिएको छ । यो प्रकरणमा अन्य व्यक्तिको पनि संलग्नता हुनसक्ने भन्दै खोजी तीव्र पारिएको छ । लामा बा२ज २३२४ नम्बरको ट्याक्सी चालक हुन् ।

उनकै ट्याक्सीमा राखेर सुन भन्सारबाट पास गराइएको थियो ।

प्रकाशित मिति: बिहीबार, साउन ४, २०८० २१:३५

प्रतिक्रिया दिनुहोस्