गायिका सुनार मृत्यु प्रकरणः सूर्यलाई पाँच दिन हिरासतमा राख्न अनुमति

मनोरन्जन

गृहपृष्ठ
मनोरन्जन

गायिका सुनार मृत्यु प्रकरणः सूर्यलाई पाँच दिन हिरासतमा राख्न अनुमति

सामाजिक सञ्चार सोमबार, असार १३, २०७९

स्व.गायिका दिलमाया सुनार

काठमाडौँ । लोकदोहोरी गायिका दिलमाया सुनारको मृत्यु प्रकरणमा पक्राउ परेका सूर्य भन्ने खिलबहादुर श्रेष्ठलाई पाँच दिन हिरासतमा राख्न अनुमति दिइएको छ ।

जिल्ला अदालत काठमाडौँले सिन्धुपाल्चोकको चौतारा साँगाचोकगढी नगरपालिका-१ घर भई काठमाडौंको गोठाटार बस्ने ३८ को सूर्य भन्ने खिलबहादुरलाई पाँच दिन हिरासतमा राख्न अनुमति दिएको हो ।

गत शनिबार बिहान ११ बजे तार्केश्वर नगरपालिका-१ नेपालटारस्थित एक घरको डेरामा सुर्खेत गुर्भाकोट नगरपालिका-२ घर भएकी ३३ वर्षकी गायिका दिलमाया मृत फेला परेकी थिइन् । दिलमायाको शव फेला पर्नुअघि शनिबार बिहान १ः२० बजे उनको फेसबुकबाट सुसाइड नोट पोष्ट भएको थियो ।

सुसाइड नोट नै भएका कारण आत्महत्याको शंका गरिएको भए पनि शव छोछ्यानमा र घाँटीमा निलडाम फेला परेको देखिएको थियो ।

घटनास्थलको अवस्थाले त्यस दिन दुई जना सँगै बसेको पाइएपछि प्रहरीले विभिन्न पाटोबारे अध्ययन गरेको थियो । त्यसक्रममा सुनारसँग लिभिङ टुगेरदरमा बस्ने प्रेमी भनिएका सूर्य पनि त्यहाँबाट भागेको खुल्यो ।

सुरूमा उनले आफू घटना हुनुअघि नै त्यहाँबाट हिँडेको बताएका थिए । तर सिसिटिभी फुटेज हेर्दा भने उनी घटना भएको समयमा त्यही भएको देखिएको थियो । त्यसपछि उनले त्यहाँबाट लगेको सल महाराजगञ्जमा फालेको भनेको आधारमा प्रहरीले उक्त सल फेला पारेको थियो ।

तर प्रहरीले दिलमायाको मोबाइल फोन भने फेला पारेको छैन । सूर्यविरूद्ध मृतकका बुवा खिलबहादुर श्रेष्ठले ज्यानसम्बन्धी कसुरमा जाहेरी दिएपछि म्याद थप गरेको हो ।

प्रकाशित मिति: सोमबार, असार १३, २०७९ १९:४९

प्रतिक्रिया दिनुहोस्