हायर कमाण्ड तथा म्यानेजमेन्ट तालिमको समापन

नेपाली सेना

गृहपृष्ठ
नेपाली सेना

हायर कमाण्ड तथा म्यानेजमेन्ट तालिमको समापन

सामाजिक सञ्चार बुधबार, असार १८, २०८२

काठमाडौं, आषाढ १८

नेपाली सैनिक वार कलेजमा सञ्चालित सि.सं. १३ औं हायर कमाण्ड तथा म्यानेजमेन्ट (Higher Command and Management Course) तालिम आज एक समारोहका बीच समापन भएको छ। २०८१ फागुन २२ गतेदेखि सञ्चालनमा आएको उक्त तालिमको समापन प्रधान सेनापति महारथी श्री अशोक राज सिग्देलले गर्नु भएको हो।

तीन महिनासम्म सञ्चालन भएको यो तालिममा महासेनानी दर्जाका महिला २ जना र पुरुष ३३ जना गरी जम्मा ३५ जना शिक्षार्थीहरूको सहभागिता रहेको थियो। समापन समारोहमा तालिम प्रमुख शिक्षक उपरथी श्री सन्तोष बल्लभ पौडेलले स्वागत मन्तव्य राख्नु हुँदै तालिमको उद्देश्य, प्रक्रियाहरू र हासिल गरिएका उपलब्धिहरूको बारेमा जानकारी गराउनु भएको थियो।

तालिम अवधिभर उत्कृष्ट प्रदर्शन गरेका महासेनानी सुरज बैदवारलाई 'समग्रमा प्रथम (Best Student Officer)' घोषणा गरिएको छ भने महासेनानी उत्तम सापकोटाले 'सर्वोत्कृष्ट सोधपत्र पुरस्कार' प्राप्त गर्न सफल हुनु भएको छ।

समारोहमा बलाधिकृत रथी निर्मल कुमार थापा, रथीबृन्द, अन्य उच्च सैनिक अधिकृतहरू तथा शिक्षार्थी अधिकृतहरूका परिवारजनहरूको समेत उपस्थिति रहेको थियो।

नेपाली सेनामा सैनिक अधिकृतहरूका लागि सञ्चालन हुने सबैभन्दा उच्चस्तरको यो तालिम वि.सं. २०७१ सालदेखि नियमित रूपमा सञ्चालन हुँदै आएको हो। तालिमले उच्च तहका सैनिक नेतृत्व र व्यवस्थापन क्षमता अभिवृद्धि गर्न महत्वपूर्ण भूमिका खेल्दै आएको नेपाली सेनाले जनाएको छ।

प्रकाशित मिति: बुधबार, असार १८, २०८२ १७:२७

प्रतिक्रिया दिनुहोस्