सिटिजन्सले ९ प्रतिशत नगद लाभांश दिने

आर्थिक

गृहपृष्ठ
आर्थिक

सिटिजन्सले ९ प्रतिशत नगद लाभांश दिने

सामाजिक सञ्चार बिहीबार, असोज ६, २०७९

काठमाडौँ । सिटिजन्स बैंक इन्टरनेसनल लिमिटेडले ९ प्रतिशत नगद लाभांश दिने भएको छ ।

६ असोज बिहीबार बसेको बैंक सञ्चालक समितिको बैंठकले आर्थिक वर्ष २०७८/७९ को मुनाफाबाट सेयर धनीलाई ९ प्रतिशत नगद लाभांश वितरण गर्ने प्रस्ताव गरेको छ ।

सञ्चालक समितिको बैंठकले २०७९ असार मसान्तमा कायम चुक्ता पूँजी १४ अर्ब २० करोड ९ लाख ७४ हजार ६ रुपैयाँको ९ प्रतिशतले हुने १ अर्ब २७ करोड ८० लाख ८७ हजार ६६१ रुपैयाँ नगद लाभांश दिने प्रस्ताव गरेको बैंकले उल्लेख गरेको छ ।

बैंकको प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएपछि सेयरधनीलाई वितरण हुनेछ ।

प्रकाशित मिति: बिहीबार, असोज ६, २०७९ २०:२५

प्रतिक्रिया दिनुहोस्