युवाको सहकारी मोहः बानेश्वरमा पाँच युवाले खोले हिमचुली बहुउद्देश्यीय सहकारी

आर्थिक

गृहपृष्ठ
आर्थिक

युवाको सहकारी मोहः बानेश्वरमा पाँच युवाले खोले हिमचुली बहुउद्देश्यीय सहकारी

सामाजिक सञ्चार मंगलबार, साउन १०, २०७९

हिमचुली बहुउद्देश्यीय सहकारी संस्था लिमिटेडको उदघाटन, समारोह।

काठमाडौँ । पछिल्लो समयमा युवा पुस्ताको सहकारी क्षेत्रमा बढी आकर्षित भएको पाइन्छ । समान र सामान्य आय स्तर भएका व्यक्तिहरुमा वित्तिय पहुँच पुर्याउन सहज माध्ययम रहेको सहकारीमार्फत देशमै केही गर्छु भन्ने उर्जाशील युवा पुस्ताले आफ्नो र आफ्ना सदस्यको भविश्य सहकारीमै खोज्ने गरेको पाइन्छ ।

यसैको एक उदाहरण हो काठमाडौँको बानेश्वरमा रहेको हिमचुली बहुउद्देश्यीय सहकारी संस्था लिमिटेड। देशका विभिन्न जिल्लाबाट अध्ययनका लागि काठमाडौँमा आएका यी पाँच युवाले सामूहिक रुपमा लगानी गरेर सहकारी स्थापना गरेका छन् ।

new pic1658829584.jpg

काठमाडौँ महानरपालिका- १० बानेश्वरमा स्थापना गरिएको सो सहकारीको सोमबार एक कार्यक्रमकाबीच औपचारीक रुपमा उद्घाटन गरिएको छ ।

उद्घाटन समारोहमा अटोमोबाईल्स एसोसिएसन अफ नेपालका अध्यक्ष ,हिमालयन अर्गनाइजेसन सस्थापक तथा समाजसेवी प्रमुख अतिथी धुर्ब थापा लगायत स्थानीयबासी, बुद्धिजीवी , ब्यापारी गरी करिब ४ सय जनाको उपस्थित रहेको थियो।

अध्यक्ष समुन्द्र गिरी, हिमचुली बहुउद्देश्यीय सहकारी संस्था लिमिटेड

२४ वर्षिय समुन्द्र गिरी अध्यक्ष रहेको सो सहकारीको सञ्चालक उनीसँगै भुपेन्द्र बस्नेत, गजेन्द्र खड्का, रामकृष्ण उप्रती र मानबहादुर भोलान रहेका छन् ।

रोजगारीका लागि युवा शक्ति विदेशीनुपर्ने बाध्यताले आफूहरुलाई पनि थिच्न थालेपछि साथीहरु मिलेर देशमै केही गर्नुपर्छ भन्ने उद्देश्यका साथ सो सहकारीको स्थापना गरिएको सहकारीका अध्यक्ष तथा सञ्चालक समुद्र गिरी बताउँछन् ।

यस्तै, उद्घाटनमा बोल्दै प्रमुख अतिथी थापाले हिमचुलीलाई युवाले सफलताका साथ लैजाने विश्वास व्यक्त गर्दै यसलाई विश्वास गरी सहकार्य गर्न सबै सेयर सदस्यलाई आह्वान गरेका छन् ।

प्रकाशित मिति: मंगलबार, साउन १०, २०७९ १५:४३

प्रतिक्रिया दिनुहोस्