निर्वाचित अध्यक्ष गुरुङद्वारा गाउँपालिका बासी प्रति आभार प्रकट

राजनीति

गृहपृष्ठ
राजनीति

निर्वाचित अध्यक्ष गुरुङद्वारा गाउँपालिका बासी प्रति आभार प्रकट

सामाजिक सञ्चार बिहीबार, जेठ ५, २०७९

आदरणीय विहादीवासी आमाबुवा, दाजुभाइ तथा दिदिबहिनीहरु,

यहाँहरुको अमूल्य मतले मलाई गरेको विश्वास प्रति हार्दिक आभार ! समुन्नत विहादी बनाउन यहाँहरुले मतमार्फत दिनुभएको पदचापलाई हार्दिक आभार !

विहादी निर्माणको यस महाभियानमा लोकतान्त्रिक तवरले निर्वाचनमा भाग लिई यहाँहरुले गर्नुभएको सहयोगलाई हार्दिक आभार !

यी आभार सहित तपाइहरुले आगामी पाँच वर्षको लागि मलाई विहादी गाउँपालिकाको अध्यक्ष पदमा जिम्मेवारी सहित विजयी गराएको छ ।

यहाँहरुको विश्वास, आशा र भरोसालाई म डग्न नदिने प्रण गर्दछु ।संयुक्त गठबन्धन मार्फत चुनावमा होमिइसकेपछी हामीले गरेका साझा संकल्प पूरा गर्ने मेरो ध्येय हुनेछ । ती लक्ष्य प्राप्तिको लागि आगामी दिनमा पनि मलाई तपाइहरुको साथ, सहयोग र खबरदारीको आवश्यकता पर्नेछ । समुन्नत विहादी सबै विहादीवासीको लक्ष्य हो, उद्धेश्य होन।

यो महान उद्धेश्यमा साथ दिने सम्पूर्णमा धन्यवाद ।

लोकतन्त्र रक्षार्थ बनेको गठबन्धनबाट निर्वाचित सम्पूर्ण ६ वटै वडाध्यक्ष ज्यू हरुलाई पनि हार्दिक बधाई ।

मेरो नेतृत्वमा बन्ने कार्यपालिका र गाउँसभा सदस्यज्यू हरुलाई पनि सङ्गै र सहकार्यका साथ अगाडि बढ्ने र लक्ष्य प्राप्तिको दिशामा अगाडी बढ्ने कुरा विदित गराउन चाहन्छु ।जुन आस्था र विचारले मलाई विजयी गराउनुभयो, त्यसको अलावा फरक विचार सिद्धान्त बोकेका दलहरुलाई पनि सङ्गै अगाडि बढानेछु ।हाम्रो सिद्धान्त र विचार फरक भएतापनि समुन्नत विहादी साझा लक्ष्य हो ।

यो लक्ष्य पूरा गर्न म अविचलित र अनवरत रूपमा लाग्नेछु ।जुन लक्ष्यले गठबन्धन बनेको थियो, त्यसमा पूर्ण सफलता मिल्न सकेन । गाउँपालिका उपाध्यक्षमा गठबन्धनका उमेदवार उपविजेता बन्नुभएको सम्मानित व्यक्तित्व सन्त बहादुर गुरुङको दृढ लक्ष्य र भिजनलाई सिरोधार्य गर्दै अगाडि बढ्ने प्रण गर्दछु ।निर्वाचन लोकतन्त्रको सुन्दर पक्ष हो । यसलाई आत्मसाथ गरेर अगाडि बढ्नुपर्ने हुन्छ ।

अन्त्यमा,

गाउँपालिकाको टिकेट दिने, जिल्ला कार्यसमिति, क्षेत्रीय कार्यसमिति, गाउँसहित वडा कार्यसमिति, भातृ तथा शुभेच्छुक संस्था, पत्रकार, मतदान गर्न देश विदेशबाट आउनुहुने सम्पूर्ण मतदाताहरुप्रती ऋणी रहँदै यहाँहरुको आशा र भरोसा टुट्न दिने छैन भन्ने प्रतिबद्धता व्यक्त गर्दछु ।

धन्यवाद ।जय नेपाल ।

प्रकाशित मिति: बिहीबार, जेठ ५, २०७९ २२:१६

प्रतिक्रिया दिनुहोस्