प्रधानमन्त्रीसँग अर्थमन्त्री र योजना अयोगका पदाधिकारीको छलफल

राजनीति

गृहपृष्ठ
राजनीति

प्रधानमन्त्रीसँग अर्थमन्त्री र योजना अयोगका पदाधिकारीको छलफल

सामाजिक सञ्चार मंगलबार, वैशाख ८, २०८३

काठमाडौँ, ८ वैशाख

प्रधानमन्त्री वालेन्द्र शाहले अर्थमन्त्री डा. स्वर्णिम वाग्लेसहित राष्ट्रिय योजना आयोगका पदाधिकारीसँग छलफल गर्नुभएको छ।

प्रधानमन्त्रीको निजी सचिवालयका अनुसार उक्त बैठक प्रधानमन्त्री तथा मन्त्रिपरिषद्को कार्यालयमा सम्पन्न भएको हो। छलफलमा अर्थमन्त्री वाग्लेसहित योजना आयोगका पदाधिकारी र नीति अनुसन्धान प्रतिष्ठानका प्रतिनिधिहरूको सहभागिता रहेको थियो।

बैठक सरकारका राष्ट्रिय प्राथमिकताका क्षेत्र पहिचान गर्ने र ती प्राथमिकतालाई आगामी बजेट तथा कार्यक्रमसँग प्रभावकारी रूपमा जोड्ने विषयमा केन्द्रित रहेको जनाइएको छ।

छलफलका क्रममा प्रधानमन्त्री शाहले योजना आयोग र नीति अनुसन्धान प्रतिष्ठानजस्ता महत्वपूर्ण निकायहरूको भूमिका, उनीहरूले तयार पारेका कार्यक्रम तथा बजेटको सान्दर्भिकताबारे चासो व्यक्त गर्नुभएको थियो।

साथै, देशको अर्थतन्त्रलाई गतिशील बनाउन र जनअपेक्षाअनुसारका काम अघि बढाउन सम्बन्धित सबै निकायबीच प्रभावकारी समन्वय आवश्यक रहेकोमा उहाँले जोड दिनुभयो। सहभागी निकायहरूले आ–आफ्नो कार्यक्षेत्रमा देखिएका समस्या र सुधारका लागि आवश्यक कदमबारे प्रधानमन्त्रीलाई जानकारी गराएका थिए।

प्रकाशित मिति: बिहीबार, पुस १७, २०२६

प्रतिक्रिया दिनुहोस्