अमेरिकी तेल कम्पनीले भेनेजुएलामा लगानी गर्न पाउने : ट्रम्प

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकी तेल कम्पनीले भेनेजुएलामा लगानी गर्न पाउने : ट्रम्प

सामाजिक सञ्चार आइतबार, पुस २०, २०८२

अमेरिका,२० पुस

अमेरिकी राष्ट्रपति डोनाल्ड ट्रम्पले शनिबार अमेरिकी तेल कम्पनीले भेनेजुएलामा प्रवेश गरी त्यहाँका विशाल कच्चा तेल भण्डारको उपयोग गर्न पाउने बताउनु भएको छ।

यो घोषणा अमेरिकी सैन्य कारबाहीपछि आएको हो, जसमा भेनेजुएलाका राष्ट्रपति निकोलस मादुरो र उहाँकी पत्नीलाई नियन्त्रणमा लिएर न्युयोर्क सहर लगिएको थियो।

अमेरिकी सेनाले शनिबार बिहान काराकासमा हवाई आक्रमण सञ्चालन गरेको थियो। मादुरो दम्पतिलाई नियन्त्रणमा लिएर उनीहरूमाथि लागु औषध तस्करी र हतियारसम्बन्धी मुद्दा चलाइएको छ।

ट्रम्पले पत्रकार सम्मेलनमा भन्नुभयो,“विश्वकै ठुलो अमेरिकी तेल कम्पनीहरूले अरबौं डलर लगानी गरी तेल पूर्वाधार सुधार गर्ने छन् र यसबाट देशका लागि आम्दानी सिर्जना हुनेछ”, उहाँले थप्नु भयो, “भेनेजुएलाको तेलमाथि लागु गरिएको प्रतिबन्ध पूर्ण रूपमा कायम रहने छ।”

संयुक्त राज्य अमेरिकाले भेनेजुएलामा सन् २०१७ मा आर्थिक प्रतिबन्ध र २०१९ मा तेलमाथि प्रतिबन्ध लगाएको थियो। भेनेजुएला दैनिक १० लाख भन्दा कम ब्यारेल तेल उत्पादन गर्छ र यसको अधिकांश कालो बजारमा छूटमा बिक्री हुन्छ।

ट्रम्पको भनाइ अनुसार, भेनेजुएलाले तेल आम्दानी ‘ड्रग आतङ्कवाद, मानव तस्करी, हत्या र अपहरण’मा खर्च गर्दैछ।

उहाँको दोस्रो कार्यकालको सुरुवातमा २०२५ मा बहुराष्ट्रिय तेल कम्पनीले भेनेजुएलामा सञ्चालन गर्ने अनुमति दिने लाइसेन्स समाप्त गरिएको थियो। यस क्रममा अमेरिकी कम्पनी चेभ्रोनलाई मात्र विशेष अनुमति दिइएको थियो। चेभ्रोन भेनेजुएलामा राज्य स्वामित्वको पिडिभीएसएसँग साझेदारीमा चार तेल क्षेत्र सञ्चालन गर्दै आएको छ।

संयुक्त राज्यले प्रतिबन्धित ट्याङ्करहरूको भेनेजुएलासँगको व्यापारमा पनि पूर्ण रोक लगाएको छ।

अन्तर्राष्ट्रिय ऊर्जा एजेन्सी (आइएईए)का अनुसार भेनेजुएलामा विश्वका तेल भण्डारको करिब १७ प्रतिशत रहेको छ। वर्षौंदेखि व्यवस्थापन र भ्रष्टाचारका कारण देश प्रमुख तेल उत्पादक बन्न सकेको छैन।

विश्लेषकहरूका अनुसार भेनेजुएलाको तेल गुणस्तर कम रहेको र अधिकांश डिजल वा अन्य उपउत्पादनमा प्रयोग हुने भएकोले अमेरिकामा गल्फ अफ मेक्सिको आसपासका रिफाइनरीहरू यस तेललाई प्रशोधन गर्न विशेष डिजाइन गरिएका छन्। रासस

प्रकाशित मिति: आइतबार, पुस २०, २०८२ १७:०५

प्रतिक्रिया दिनुहोस्