गाजा शहरको ४० प्रतिशत भाग कब्जा गरेको इजरायली सेनाको दाबी

अन्तर्राष्ट्रिय

गृहपृष्ठ
अन्तर्राष्ट्रिय

गाजा शहरको ४० प्रतिशत भाग कब्जा गरेको इजरायली सेनाको दाबी

सामाजिक सञ्चार शुक्रबार, भदौ २०, २०८२

काठमाडौं, २० भदौ

इजरायली सेनाले गाजा शहरको ४० प्रतिशत भाग कब्जा गरेको दाबी गरेको छ। सेनाले गाजामा पूर्ण नियन्त्रण प्राप्त गर्न ठूलो कारबाहीको तयारी गरिरहेको बताएको बीबीसीले जनाएको छ।

पत्रकार सम्मेलनमा इजरायली सेनाका प्रवक्ता एभी डेभ्रिनले अब गाजामा हमासको पूर्वाधार ध्वस्त पार्न ठूलो र शक्तिशाली अपरेशन शुरू गर्ने जानकारी दिनुभएको खबरमा उल्लेख छ। आउँदा दिनहरूमा गाजा शहर र वरपरको कारबाहीलाई अझ तीव्र बनाउने तयारी गरिरहेको उहाँले बताउनुभयो।

इजरायली सेनाका प्रवक्ताका अनुसार सबैतिर हमासलाई पछ्याउन जारी राख्ने र बाँकी इजरायली बन्धकहरू फिर्ता नभएसम्म यो अभियान समाप्त हुनेछैन।

पछिल्ला दिनहरूमा इजरायलले गाजा शहर वरिपरि आफ्नो आक्रमण तीव्र बनाएको छ। यसअघि हमासले सबै बन्धकहरूलाई रिहा गर्ने प्रस्ताव गरेको थियो तर इजरायलले त्यसलाई अस्वीकार गर्‍याे।

इजरायली प्रधानमन्त्री बेन्जामिन नेतान्याहूको कार्यालयले यो हमासद्वारा फैलाइएको झुटो कथा भन्दै यसमा केही नयाँ कुरा नभएको उल्लेख गरेको छ।एजेन्सी

प्रकाशित मिति: शुक्रबार, भदौ २०, २०८२ १६:४५

प्रतिक्रिया दिनुहोस्