लोकतन्त्रको योद्धा माथवर दाई अलबिदा !

समाचार

गृहपृष्ठ
समाचार

लोकतन्त्रको योद्धा माथवर दाई अलबिदा !

युगनाथ शर्मा पौडेल शनिबार, चैत ९, २०८१

नेपालको लोकतान्त्रिक आन्दोलनको योद्धा माथबर सिह बस्नेत अब हाम्रो बीचमा हुनुहुन्न यो खबरले मलाई मर्माहत बनाएको छ आज । उपप्रधानमन्त्री प्रकाशमान सिहसग मेरो भर्खरै कुरा भो उहाँले यस्को औपचारिक पुस्ठी गर्नु भो ।२०४६ को जन आन्दोलनको कमान्डर गणेशमान सिहको कान्छीछोरी डाक्टर मीता सिहले टेलीफोनमा उहाँको ब्रेन ड्रेथ भएको खबरको औपचारिक पुस्ठी गर्नु भो र मेरो पत्रकार भाइ सुधुम्न पौडेलले पनि यसको औपचारिक रूपमा पुस्ठी गर्नु भो ।

अस्ति उहाँ र मेरो बीच पोखराबाट कुरा भएको थियो र भगवानको रेकर्डमा रहेको त्यो मेरो अन्तिम कुराकानी रहेछ ।माथवर सिंह बस्नेत पत्रकार मात्रै होइन राजनीतिक अभियन्ता र लोकतान्त्रिक आन्दोलनको योद्धा हुनुहुन्छ। उहाँले पत्रकारिता क्षेत्रमा उल्लेखनीय योगदान दिनुका साथै नेपालको प्रजातान्त्रिक आन्दोलनमा सक्रिय भूमिका खेल्नुभएको छ। सत्य र लोकतन्त्र प्रतिको दृढ प्रतिबद्धताका कारण उहाँले व्यापक सम्मान र पहिचान हासिल गर्नुभएको छ।

बस्नेतको पत्रकारितामा यात्रा सानै उमेरमा शुरू भएको थियो। सत्य खोज्ने र रिपोर्टिङ गर्ने उहाँको जोसले उहाँलाई चाँडै नै नेपाली मिडिया क्षेत्रमा एक प्रमुख व्यक्तित्वका रूपमा स्थापित गरायो। पत्रकारितासँगै बस्नेतले नेपालको प्रजातन्त्रका लागि संघर्षमा महत्त्वपूर्ण भूमिका खेल्नुभएको छ। उहाँ लोकतान्त्रिक सुधारका पक्षमा सक्रिय हुनुहुन्थ्यो र विभिन्न चुनौतीहरूका बाबजुद पनि आफ्नो अडान कायम राख्नुभयो।

बस्नेतका महत्त्वपूर्ण कृतिमध्ये एक गणेशमान सिंहसँगको अत्मकथा एउटा इतिहासकै महत्वपूर्ण दस्तावेज हो जहाँ बीपी र गणेशमानको रास्ट्रबादी अडानको फेहरिस्त सहित तयार पारिएको आत्मकथा हो। यस पुस्तकमा सिंहको जीवन र तत्कालीन राजनीतिक परिवेशको गहन विश्लेषण गरिएको छ।

यो दुई भागमा प्रकाशित भएको पुस्तक पछि अंग्रेजीमा अनुवाद गरिएको थियो, जसले यसलाई फराकिलो पाठकवर्गमा पुर्यायो। माथवर सिंह बस्नेतको स्थायी विरासत पत्रकारिता र लोकतान्त्रिक आन्दोलन दुबै क्षेत्रमा उहाँले पुर्‍याएको योगदानमा निहित छ। सत्य र लोकतन्त्रको सिद्धान्तप्रति समर्पित वर्तमान तथा भावी पुस्तालाई उहाँको जीवन र कार्यले निरन्तर प्रेरणा प्रदान गर्नेछ। आजको यो शोकको घडीमा शोक सन्तप्त परिबारमा हार्दिक समबेदना सहित उहाँको ब्र्म्हलोक बासको कामना गर्दछु ।

जय श्रीराम ।

उहाँको अहिले आर्यघाटमा एक बजे अन्तिम दर्शन हुदैछ।

प्रकाशित मिति: शनिबार, चैत ९, २०८१ ११:२८

प्रतिक्रिया दिनुहोस्