अयोध्यामा आज राम मन्दिरको प्राण प्रतिष्ठा :मोदीले उद्घाटन गर्दै,

समाचार

गृहपृष्ठ
समाचार

अयोध्यामा आज राम मन्दिरको प्राण प्रतिष्ठा :मोदीले उद्घाटन गर्दै,

सामाजिक सञ्चार सोमबार, माघ ८, २०८०

भारतको अयोध्यामा नवनिर्मित भगवान् राम मन्दिरको आज (सोमबार) प्राण प्रतिष्ठा गरिँदै छ । हिन्दूहरूका भगवान् रामको जन्मस्थल मानिने भारतको अयोध्यामा भव्य राम मन्दिर बनाइ त्यसको प्राण प्रतिष्ठा गर्न लागिएको हो । मन्दिरको गर्भगृह तयार भएपछि त्यहाँ आज रामको भव्य मूर्ति राखेर प्राण प्रतिष्ठा गर्न लागिएको हो । सोमबार स्थानीय समयअनुसार दिउँसो १२ः२० बजेको साइतमा राम मन्दिरको प्राण प्रतिष्ठा हुँदै छ । उक्त प्राण प्रतिष्ठामा नेपाली पूजारी दुर्गाप्रसाद गौतम पनि सहभागी हुनुहुन्छ ।

सन् २०१९ मा भारतको सर्वाेच्च अदालतले राम मन्दिर स्थापना गर्ने विषयमा गरेको फैसलापछि सो मन्दिर बनाइएको हो । प्राण प्रतिष्ठा अघि भारतीय प्रधानमन्त्री मोदी ११ दिनको उपबासमा हुनुहुन्छ । सन् २०२४ मा लोकसभा निर्वाचनअघि हुन लागेको राम मन्दिरको उद्घाटनले भारतीय जनता पार्टीको चुनाव नतिजालाई प्रभाव पार्ने अपेक्षा गरिएको छ । प्राण प्रतिष्ठा कार्यक्रममा पनि त्यहाँका प्रधानमन्त्री मोदी, उत्तर प्रदेशका मुख्यमन्त्री आदित्यनाथलगायत विशिष्ट पदाधिकारीको उपस्थिति रहनेछ । यस अवसरमा भारतको केन्द्र सरकारले देशभर नै केन्द्रीय कार्यालय, संस्थान, औद्योगिक प्रतिष्ठानमा आधा दिनको छुट्टी दिने घोषणा गरेको छ । आज अढाई बजेसम्म मात्रै सरकारी कार्यालय खुला रहनेछन् । उत्तर प्रदेशले भने आज प्रदेशभर नै मासु, माछा, रक्सीको बिक्रीमा पूरै बन्देज लगाएको छ ।राजनीतिक वा धार्मिक भनी विवादित कार्यक्रमको सुरक्षाका लागि १३ हजार सुरक्षाकर्मी परिचालन गरिएको भारतीय मिडियाले जानकारी दिएका छन्।कार्यक्रममा ७ हजारभन्दा बढी पाहुना सहभागी हुँदैछन्।

प्रकाशित मिति: सोमबार, माघ ८, २०८० ११:१५

प्रतिक्रिया दिनुहोस्