युद्धग्रस्त इजरायलबाट स्वदेश फर्किने बाटो कुर्दै छन् ३५० नेपाली

समाचार

गृहपृष्ठ
समाचार

युद्धग्रस्त इजरायलबाट स्वदेश फर्किने बाटो कुर्दै छन् ३५० नेपाली

सामाजिक सञ्चार बुधबार, असोज २४, २०८०

इजरायल युद्धका कारण भय एवम् तनावपूर्ण अवस्था झेलिरहेका नेपालीहरू दशैँको छेकमा घर फर्किने बाटो कुरिहेका छन् ।

हमास समूहको आक्रमणमा परेका १७ जना नेपाली विद्यार्थी मध्ये दश जना नेपालीले ज्यान गुमाइसेका छन् भने बाँकी घाइतेको उपचार भइरहेको छ ।

रोजगारी, अध्ययन एवम् अन्य सिलसिलामा इजराइल पुगेका नेपालीको अवस्था यतिबेला निकै तनावपूर्ण छ। युद्धग्रस्त इजरायलबाट स्वदेश फर्किन मंगलबार बेलुकासम्म ३५० जना नेपालीले आवेदन दिएका छन् । आवेदन दिए पनि उनीहरूलाई उद्धार गर्न समय लाग्ने देखिएकाे छ ।

इजरायलस्थित नेपाली दूतावासले स्वदेश फर्किन चाहने नेपालीको आवेदन लिइरहेको छ । परराष्ट्रमन्त्री एनपी साउदले इजरायलका विदेशमन्त्री एली कोहेनसँगको टेलिफोन वार्तामा स्वदेश फर्किन चाहने नेपालीको उद्धारकाे विषयमा कुराकानी गरेका थिए । साेहीअनुसार दूतावासमा स्वदेश फिर्ता हुन चाहने नेपालीले आवेदन दिएका हुन् ।

‍टेलिफाेन संवादमा आतंककारी समूह हमासको आक्रमणमा परी ज्यान गुमाएका १० जना नेपालीको शव ल्याउनेबारे पनि छलफल भएकाे थियाे । यद्यपि छलफल भए पनि शव ल्याउन पनि केही दिन लाग्ने भएकाे छ ।

इजरायली पक्षले केही प्रक्रिया पूरा गरेपछि मात्र शव फिर्ता हुने जनाएकाे छ।

सरकारले इजरायलबाट नेपालीको उद्धारका लागि जहाज तयारी अवस्थामा राखे पनि उताबाट अवतरणको अनुमति प्राप्त भएकाे छैन ।

दूतावासले ‍इजरायल-गाजाको सीमावर्ती क्षेत्रका कृषि फर्ममा रहेका ५५ जना नेपाली विद्यार्थीहरूलाई इजरायली सुरक्षामा सुरक्षित ठाउँमा स्थानान्तरण गरिएको जनाएकाे छ ।

सिमाना आसपासमा उद्धारकाे पर्खाइमा रहेका ७२ जना नेपाली विद्यार्थीहरूलाई पनि सुरक्षित ठाउँमा सारिएको छ ।

प्रकाशित मिति: बुधबार, असोज २४, २०८० ११:०८

प्रतिक्रिया दिनुहोस्