हाम्रो चम्किलो तारा द्धारा आयोजीत सम्मान तथा संस्था उद्घाटन समारोह

राजनीति

गृहपृष्ठ
राजनीति

हाम्रो चम्किलो तारा द्धारा आयोजीत सम्मान तथा संस्था उद्घाटन समारोह

सामाजिक सञ्चार आइतबार, फागुन १४, २०७९

काठमाडौँ, १४ फागुन रासस

नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले आगामी राष्ट्रपतिको निर्वाचनमा आफ्नो पार्टीका उम्मेदवारलाई सहयोग गर्न अपिल गर्नुभएको छ । सहिद परिवार तथा विभिन्न राजनीतिक आन्दोलनको क्रममा घाईत भएकाहरुको सम्मानमा ‘हाम्रो चम्किलो तारा’ नामक संस्थाले आज आयोजना गरेको कार्यक्रममा उहाँले देशको हितका लागि पनि एमालेलाई मतदान गरिनुपर्ने जिकिर गर्नुभयो । उहाँले भन्नुभयो,“अहिले राष्ट्रपतिको निर्वाचन आइरहेको छ, मतदान देशका लागि हुनुपर्छ ।

जनमतले पनि एमाले उम्मेदवारलाई सहयोग गर्नुपर्छ । किनकी एमाले देश, जनता, राष्ट्रिय स्वाधीनता, भौगोलिकताको सम्बद्र्धनका लागि हो । त्यसैले राष्ट्रपतिको मतदानमा एमालेका उम्मेदवारलाई मतदान गर्न म मतदातालाई आग्रह गर्न चाहन्छु ।” आगामी फागुन २५ गते हुने राष्ट्रपतिको निर्वाचनमा नेपाली काँग्रेसका वरिष्ठ नेता रामचन्द्र पौडेल र एमाले उपाध्यक्ष सुवासचन्द्र नेम्वाङले शनिबार उम्मेदवारी मनोनयन गर्नुभएको छ ।

एमाले अध्यक्ष ओलीले अहिले आफ्नो पार्टी देशी र विदेशी प्रतिक्रियावादी शक्तिबाट खेदिएको आरोप लगाउनुभयो । “अहिले सबभन्दा बढी विदेशी शक्ति र देशभित्रका प्रतिक्रियावादी शक्रिबाट एमाले खेदिएको छ । मिचिएको भूभाव फिर्ता गर्दा घेरावन्दीमा परेको छ”, उहाँले भन्नुभयो । अध्यक्ष ओलीले अहिले पनि विभिन्न प्रतिक्रियावादी शक्तिहरुले चलखेल गरिरहेको भन्दै त्यसलाई जनताले परास्त गर्ने दावी गर्नुभयो । उहाँले विभिन्न बहानामा आन्दोलन र द्वन्द्व भएपनि पीडितहरुले अझै न्याय पाउन नसकेको भन्दै सहिद, वेपत्ता र घाईते परिवारलाई राज्यले सहयोग गर्नुपर्नेमा जोड दिनुभयो ।

उहाँले विभिन्न आन्दोलनका घाईतेको उपचार र पीडितलाई राहत दिन पार्टीले पहलकदमी लिने पनि उल्लेख गर्नुभयो । एक अर्को प्रसङ्गमा एमाले अध्यक्ष ओलीले ‘आधुनिक विज्ञान र प्रविधिको प्रयोग गरेर इन्जिेक्सन दिई, मलम लगाएर पुस १० गतेको गठबन्धन बनाएको भनी ब्यङ्ग गर्दै हुनेकुरा भइसकेकाले अब चिन्ता गरेर अर्थ नहुने तर्क गर्नुभयो । उहाँले नेपालमा थुप्रेखाले आन्दोलनबाट धेरै संख्यामा सहिद र बेपत्ता भएको भन्दै सरकारले उनीहरुको पहिचान र पीडितलाई राहत दिनुपर्ने धारणा राख्नुभयो । स्वार्थ र धोकाको राजनीति बढिरहेको र यसले कसैलाई फाइदा नपुग्ने बताउनुभयो ।

तर त्यो स्वार्थी शक्तिको को हो भनेर उहाँले खुलाउनुभएन । देशका लागि लडेका योद्धा सहिदको सफना साकार पार्न सबै लाग्नुपर्नेमा उहाँको जोड थियो । संस्थाको सुभारम्मसँगै राम्रो कामको थालनी भएकामा प्रसंशा गर्दै आगामी दिनमा यस्ता कार्यक्रमलाई निरन्तरता दिन आग्रह गर्नुभयो । सो अवसरमा एमाले अध्यक्ष ओलीले संस्थामा अक्षय कोषका लागि रु दुई लाख सहयोगको घोषणा गर्नुभयो । संस्थाका अध्यक्ष लक्ष्मी गुरुङले विभिन्न राजनीतिक सामाजिक आन्दोलनका सहिद परिवार र घाईतेहरुको सम्मानमा थोरै भएपनि राहत पु¥याउने उद्देश्यले संस्थाले पहल लिएको उल्लेख गर्नुभयो । कार्यक्रममा विभिन्न राजनीतिक र सामाजिक आन्दोलनमा सहिद भएका परिवार र घाइतेहरुलाइ सम्मान गरिएको थियो । संस्थाको तर्फबाट एमाले अध्यक्ष ओलीले नगदसहित कदरपत्रबाट सम्मान गर्नुभएको हो ।

सम्मानीत हुनेमा सहिद परिवारतर्फ विशेस्वरा दाहाल, गोमा देवकोटा, कमला सुवेदी, शान्ति पाखिन, सरिता अधिकारी, तीर्था गौतम, देवी सुनार तथा घाइतेहरुमा कृष्ण अधिकारी, चित्रबहादुर घर्तिलगायत रहनुभएको छ । जनवादी कलाकार जीवन शर्माले विभिन्न गीत प्रस्तुत गर्नुभएको थियो । विशेष प्रस्तुतीको रुपमा किशोर अनुरागको निर्देशन रहेको ‘सपना’ नाटक प्रस्तुती गरिएको थियो । भने करातेँ खेलाडीको खेल कौशल पनि प्रस्तुत गरिएको थियो ।

प्रकाशित मिति: आइतबार, फागुन १४, २०७९ २२:१३

प्रतिक्रिया दिनुहोस्