आजदेखि महान् पर्व बडादशैँ सुरु, घर-घरमा जमरा राखिंदै

समाज

गृहपृष्ठ
समाज

आजदेखि महान् पर्व बडादशैँ सुरु, घर-घरमा जमरा राखिंदै

सामाजिक सञ्चार सोमबार, असोज ६, २०८२

काठमाडौं,६ असोज

हिन्दूहरूको महान् पर्व बडादशैँ आजदेखि प्रारम्भ भएको छ। प्रत्येक वर्ष आश्विन शुक्ल प्रतिपदादेखि सुरु हुने यो पर्व आश्विन शुक्ल पूर्णिमासम्म १५ दिनसम्म विधि र भव्यताका साथ मनाइन्छ।

बडादशैँको पहिलो दिन आज घरघरमा विधिपूर्वक दियो, कलश र गणेश स्थापना गर्दै घटस्थापना गरिएको छ। पूजा कोठा वा दशैँ घरमा वैदिक विधिअनुसार शक्तिकी अधिष्ठात्री देवी दुर्गाको आह्वान गरी पूजा आरम्भ गर्ने परम्परा रहेको छ।

घटस्थापनाका लागि बिहानै नित्यकर्म सम्पन्न गरी नजिकैको नदी वा चोखो स्थलबाट बालुवा वा माटो ल्याई गाईको गोबरले लिपपोत गरिएको स्थानमा जौ ९यव० रोप्ने गरिन्छ। यसलाई जमरा राख्ने भनिन्छ। दुर्गा देवीको प्रिय मानिने यव अङ्कुर विजयादशमीको दिन टीका र प्रसादसँगै ग्रहण गरिन्छ, जसलाई समृद्धिको प्रतीकका रूपमा लिइन्छ।

आजैको दिन विधिपूर्वक घडा (घट) स्थापना गरी त्यसमाथि शक्तिस्वरुपा दुर्गाको पूजा गरिने भएकाले यस दिनलाई घटस्थापना भनिएको हो। स्थापना गरिएको पूर्ण कलशको जलले अभिषेक गरी दशमीको दिन दुर्गा देवीको प्रसाद ग्रहण गर्ने प्रचलन छ।

प्रकाशित मिति: बिहीबार, पुस १७, २०२६

प्रतिक्रिया दिनुहोस्